सिन्धुपाल्चोकमा भूकम्पसम्बन्धी जनचेतना कार्यक्रम सम्पन्न
Posted on: Mar 31, 2017


रमेस पराजुली, चैत १८, सिन्धुपाल्चोक -

जिल्ला सदरमुकाम भूकम्पसम्बन्धी जनचेतना कार्यक्रम सम्पन्न भएको छ। जिल्ला दैवि प्रकोप उद्दार समिति सिन्धुपाल्चोकको आयोजनामा शुक्रबार भूकम्प अभ्यास कार्यक्रम गरिएको हो। जिल्लामा कार्यरत विभिन्न गैरसरकारी संस्थाहरुको आर्थिक सहयोगमा कार्यक्रम सम्पन्न भएको थियो। भूकम्पको आपत्कालीन अवस्थामा कसरी सुरक्षित तरिकाले उद्धार तथा खोजी गर्न सकिन्छ भन्ने जनचेतना जगाउनको लागि कृत्रिम अभ्यास कार्यक्रम गरेको जिल्ला दैवि प्रकोप उद्धार समिति अध्यक्ष तथा प्रमुख जिल्ला अधिकारी अन्तरबहादुर सिलवालले बताए। यसरी गयो भूकम्प नाटकीय शौलीमा जिल्लाका प्रमुख प्रस्तुत भएका थिए। बिहान ८स्१५ मिनेट जाँदा ७।५ रेक्टर स्केलको भूकम्प गयो। जसको केन्द्रकिन्दु तातोपानी साइडलाई लिइयो। भूकम्पले जिल्लाको प्राय सबै घर पूर्ण रुपमा ध्वस्त भएको कल्पना गरियो। प्रमुख जिल्ला अधिकारी सिलवाल नै वास्तविकता जस्तै गरी बोलिरहेका थिए।  भूकम्पको वास्तविकता झल्काउने खालका क्रियाकलाप गरी जनामानसमा सकारात्मका सन्देश प्रवाह गरिएको थियो । नाटकीय शौलीमा प्रस्तुत भएको भए पनि सबैले वास्तविक रुपमा जस्तै गरेका थिए। संघसंस्थामा कार्यरत कर्मचारी, नेपाली सेना, प्रहरी र सर्वसाधारण उपस्थित थिए। जिल्लाका प्रमुख अड्डाहरु पनि अस्थायी रुपमै टुडिँखेलमा खडा गरिएको थियो। घाइतेहरुको उपचार सेवा, आगलागी नियन्त्रण गर्नुका साथै भूकम्पको वेलामा आइपर्ने सम्पूर्ण घटनाको प्रस्तुति गरिएको थियो।


Comments